roy

Roy, m. monosyll. Est celuy qui est preferé, oinct et couronné sur tout un païs en estat, puissance, dignité et Majesté Monarchique, Royale. Et pour estre tel doit avoir du moins quatre Duchez l'une tenant à l'autre, et pour chacune Duché quatre Comtez, lesquelles ne soient mouvans ne tenuës de nul autre que de luy, ou de l'Empire. Et en ces quatre Duchez doit avoir dix Citez (Dont l'une soit en dignité Archiepiscopale) qu'on dit province. Et raisonnablement doit recevoir sacre et couronne, en la plus noble et plus puissante cité de tous ses païs, et de tout iceluy païs se renommer Roy. Mais par privilege d'aucunes citez et lieux, aucuns sont sacrez en moindre cité (au regard de la puissance, opulence et grandeur) qu'en la capitale du Royaume, et couronnez autre part aussi, comme on void estre observé au sacre du Roy Tres-chrestien, qui se celebre en la ville de Rheims, et non à Paris (si on ne veut dire que Rheims, pour estre Archevesché, precede Paris, qui n'est que Evesché) et couronné à S. Denys en France, et non audit Paris, Rex. Duquel nom Latin il descend. L'Espagnol dit Rey. Tout ainsi que le Languedoc et peuples adjacents, et l'Italien Rè, par apocope dudit mot Latin. Roy Guillot, fut dit du regne de Louys xii. un nommé Maclou capitaine d'une bende de voleurs, contrefaisants les gens de guerre, qui pource eut une main couppée en la court du palais à Paris, sans bouger du tombereau, et l'autre main devant l'Eglise nostre Dame: puis fut mis en quatre quartiers, qui furent posez és quatre principales portes de Paris. Nic. Gilles en la vie dudit Roy.

Petit Roy à qui la quatrieme partie d'un Royaume estoit donnée en droict de royaume, Tetrarcha.

Estre Roy, ou regner en Bourgoigne, Estre Roy sur les habitans de Seine, Obtinere regnum in Sequanis.

Cet homme sera une fois Roy Hic regiam habet genesim. Budaeus ex Sueton.

Appartenant à un Roy, Regius, Regalis.

A la maniere d'un Roy, ou comme il appartient à un Roy, Regie, Regaliter, Regifice.

Donner à quelqu'un et conformer le tiltre de Roy, Appellare regem.

Le temps qui estoit anciennement depuis le trespas d'un Roy jusques à la creation du nouveau, Interregnum.

Faits de Roy, Basilica facinora.

Prendre le nom et tiltre de Roy, Asciscere sibi nomen regium.

De par le Roy nostre Sire et sa Cour de Parlement, Regalibus verbis et Curiae. Bud.

Estre Roy de la febve, Fabacio libo regnum sortiri. B.

Le jour des Roys, Regalia.

Roy d'armes, voyez Heraut.

Un oiseau qu'on appelle le Roy des cailles, Ortygometra.

Le roy des oiseaux, dit Roytelet, Regulus, Trochilus. Aucuns l'appellent le Roy Bertaut, les autres Berrichot.

Les Roys, La feste des Roys, Regalia, Epiphania, Theophania.

Thresor de la langue françoyse. Jean Nicot.